Samaras: IRJM do të ndahet mes Shqipërisë e Bullgarisë

Ministri i sapoemëruar grek i Kulturës, Antonis Samaras ka deklaruar se IRJ e Maqedonisë do të shpërbëhet dhe nuk do të ekzistojë si subjekt i vetëm. Samaras, i njohur për qëndrimet e tij radikale dhe nacionaliste, këtë deklaratë e ka dhënë në një intervistë për televizionin shtetëror grek ERT.

Sipas tij, Greqia nuk duhet të frikësohet nga Shqipëria "e Madhe" apo Bullgaria "e Madhe", të cilat do të krijohen pas shkatërrimit të IRJ të Maqedonisë. 

“Besoj se shumë shpejt Shkupi nuk do të ekzistojë si subjekt i vetëm. Kjo do të thotë se koha është në anën tonë, dhe praktikisht është në anën tonë, për shkak se mendoj se ata nuk do të kenë sukses që të ruajnë unitetin, i cili tani nuk ekziston”, ka thënë ai, për të shtuar se, “Greqia është një forcë në zhvillim dhe me popullsi më të madhe dhe nuk ka pse të frikësohet”. 

http://www.telegrafi.com/?id=3&a=2228