Shpërthim në Mitrovicë

Shpërthim në Mitrovicë

Nga Jeton Musliu

më 14.01.2009 në ora 10:25

Njësitë policore të stacionit të veriut në Mitrovicë dhe hetuesit e njësitit “Task Force” të Policisë së Kosovës dhe të teknikëve të kriminalistikës, kanë reaguar në një rast të shpërthimit të një mjeti eksplodues të raportuar që ka ndodhur mbrëmë rreth orës 18:30, në oborrin e një shtëpie private në rrugën “Meshe Selimoviq”, lagja e boshnjakëve në veri të Mitrovicës.

Njësitë e para reaguese policore pasi janë siguruar se nuk kishte të lënduar në njerëz, kanë bërë sigurimin e vendit të ngjarjes, ndërsa teknikët e kriminalistikës kanë filluar menjëherë me procedimin e ekzaminimit të vendit të incidentit.

“Në bazë të raporteve të para policore të siguruara nga hetuesit e Policisë së Kosovës, mësohet se mjeti eksplodues, ende i papërcaktuar nën rrethana ende të pasqaruara kishte shpërthyer në oborrin e shtëpisë së ankuesit E. Peci, 55-vjeçar, me ç’rast dëme materiale janë shkaktuar në tri xhama të dritareve të shtëpisë. Në kohën e shpërthimit pronari i shtëpisë ishte në shtëpi por nuk është raportuar për të lënduar”, thuhet në komunikatën e policisë për rajonin e Mitrovicës.

Për këtë rast policia ka ftuar në vend të ngjarjes edhe ekspertët e KFOR-it, për identifikim të mjeteve eksploduese, të cilët kanë bërë ekzaminimin e vendit të ngjarjes, mirëpo ende nuk kanë konfirmuar llojin e mjetit i cili ka shkaktuar shpërthimin. “Besohet se mjeti eksplodues ishte një granatë dore”, sqaron policia.

Hetimet për këtë rast kanë filluar kurse prokurori publik i Prokurorisë së Qarkut në Mitrovicë, i cili është informuar lidhur me rastin dhe veprimet e ndërmarra policore, ka urdhëruar zhvillimin e hetimeve për vepër penale “shkaktim të rrezikut të përgjithshëm” në bazë të Kodit Penal të Kosovës.

http://www.gazetaexpress.com/index.php/artikujt/lexo/792/C4/C16

LUFTA PËR TREPÇEN


Duket se po vie koha e një konflikti të ri ballkanik, si fund i përgjithshëm i robërisë shqiptare dhe sama tepër të shëmanget nga diplomacia ndërkombëtare, po aq gjatë do të vonojë liria shqiptare dhe nëse dikush ende mendon se me ndonjë marrëveshtje eventuale, do të arrihet çlirimi e liria shqiptare - do të jetë e keqja e rradhës!
Mjetet diplomatike të shterrura duhet të jenë njëhërë e përgjithmonë mësim për neve dhe vetëm bashkimi i të gjitha forcave shqiptare ballkanike mund ta ndryshojë e kthej në hartën e Shqipërisë Etnike! - Trazirat në Mitrovicë ishin e janë lufta për Trepçen, por vigjilenca shqiptare, e gatshme për secilin shpërthim eventual, mund të jetë shkak përfitimi për të gjithë shqiptarët Tivar e Prevezë, nëse arrihet bashkimi në një forcë shqiptare ballkanike, qëdo ta sielli koha e afërt!