10 vjet nga masakra e Reçakut

10 vjet nga masakra e Reçakut

Sot mbushen dhjetë vjet që prej ngjarjeve të përgjakshme në fshatin Reçak të Shtimes, kur forcat serbe të sigurimit atëbotë patën vrarë 45 civilë shqiptarë.

Ish shefi i Misionit vëzhgues të OSBE-së, ambasadori William Walker, këtë ngjarje e pati cilësuar si "krim kundër njerëzimit" dhe ishte pikërisht kjo masakër që sensibilizoi opinionin ndërkombëtar për gjenocidin e forcave serbe ndaj popullatës civile në Kosovë.

Masakra e Reçakut njihet si një nga ngjarjet kryesore që ka shënuar kthesë në diplomacinë ndërkombëtare në raport me Serbinë dhe Kosovën, duke i paraprirë proceseve që çuan deri tek fushata e bombardimeve të NATO-s.

Në këtë përvjetor, ambasadorit William Walker do t’i ndahet një çmim i veçantë, në shenjë mirënjohjeje për sensibilizimin e opinionit ndërkombëtar.

MASAKRA E REÇAKUT- KRIM KUNDËR NJERËZIMIT


https://www.youtube.com/watch?v=1gnV8wcJwtw