Friday, 08 June 2007
1. SHQIPËRIA E BASHKUAR.ORG:
Z. Adili, fillimisht ju falenderojmë për gatishmërinë tuaj t'i përgjigjeni ftesës sonë për intervistë. A mund të fillojmë me një biografi të shkurtër?
GAFURR ADILI:
Nuk keni pse të më faleminderoni, sepse e ndjej për obligim që në çdo kohë e moment që të më kërkoni t'iu pergjigjem. Them kështu sepse jeni Ju, SHQIPËRIA E BASHKUAR.ORG, të parët që fillimisht FBKSH-së dhe të gjitha strukturave të tij iu keni hapur dritaren, dhe pikërisht atëherë kur nga armiqtë tanë dhe veglat e tyre qorre, siç UÇK-ja quhej "ushtri e faksave", edhe AKSH-ja quhej "ushtri e internetit".
Pra, moralisht unë detyrohem që stafin Tuaj dhe në veçanti Tahir Veliun, të cilin mbaj mend se dikur (2002) e kam quajtur Arkitekt të Shqipërisë se Bashkuar, që t'iu faleminderoj për kontributin Tuaj në mishërimin e idesë së ribashkimit kombëtar shqiptar.
Kurse, sa i përket biografisë sime të shkurtër, konsideroj që tanimë shumica e shqiptarëve, sidomos të atyre që janë të përkushtuar në këtë rrugë dhe mision shumë të veshtirë por teper fisnik, që ishte edhe rruga e rilindasve tanë, që nga Lidhja Shqiptare e Prizrenit, e deri te dëshmorët e kombit, të rënë në tri betejat e fundit, të çlirimit dhe ribashkimit kombëtar shqiptar, besoj se më njohin.
Mëgjithatë, për ata që mund të kyqen më vonë në këtë mision, po e bëj një autobiografi, si më poshtë vijon:
-Aktualisht jam 48 vjeç, prind i 6 fëmijëve (3 djem dhe 3 vajza) dhe edhe 4 herë gjysh (3 nipër dhe një mbesë), dhe prej vitit 2003, kohë kjo kur edhe u arrestova në Tiranë dhe pas 5 muajsh u lirova dhe fitova pafajësinë, jetoj në Tiranë.
-Në Kuvendin Themelues të FBKSH-së (korrik 2002), të mbajtur këtu në Pallatin e Kongreseve në Tiranë, 95 delegatët nga të gjitha krahinat e Shqipërisë Natyrale dhe diaspora, në mungesë më zgjodhën Kryetar të FBKSH-së, dhe nga kjo kohë deri në arrestimin t'im (1 korrik 2003) kam vepruar me pseudonimin (nofkën) Valdet VARDARI.
-Në Kuvendin e Dytë Kombëtar të FBKSH-së (16 shtator 2005), në Prizrenin Historik, Kryetar u zgjodh Prof.Dr. Bashkim MITROVICA, kurse unë u ngarkova me detyrën e Zëdhenësit Politik (për shqiptarët) dhe të Sekretarit të Departamentit të Diplomacisë të FBKSH-së, detyrë që përpiqem ta kryej me nder e krenari kombëtare.
-Në Mbledhjen Themeluese të Këshillit Organizativ të Kuvendit Mbarëshqiptarë, të mbajtur në Tiranë, më 25 nëntor 2006, ku merrin pjesë 74 delegatë nga të gjitha hapësirat shqiptare të Shqipërisë Natyrale dhe diaspora u formua Këshilli Organizativ i Kuvendit Mbarëshqiptarë dhe u zgjodh edhe Kryesia (5 anëtarëshe) e Këshillit Organizativ të Kuvendit Mbarëshqiptarë, me në Krye Gjeneral KUDUSI LAMA, një njeri shumë i njohur në opinionin tonë kombëtar për veprat e Tij gjatë luftës së fundit në Kosovë, kur Gjeneral LAMA ishte Komandant i Divizionit të Kukësit, dhe 3 Zëvendës-Kryetarët:
1. Prof. Dr. Hulusi HAKO (nga Tirana),
2. Kolonel, Sejdi VESELI (nga Prishtina),
3. Kolonele Shyhrete GOSALCI (nga Prishtina),
kurse une u zgjodha Sekretar i Përgjithshëm dhe Drejtor i Revistës KUVENDI, që deri më tani kemi arritur t'i nxjerrim dy numra dhe jemi duke e pergaditur edhe nr.3 (korrik-gusht 2007).
Pra, jame në kulmin e aktivitetit t'im atdhetar dhe vitin që vjen (më 15 mars 2008) do ta kremtoj 30 vjetorin e rilindjes s'ime, sepse më 15 mars 1978, nga dëshmori Kadri Zeka, jam organizuar në rradhët e Lëvizjes Atdhetare (OMLK-së) Shqiptare.
2. SHQIPËRIA E BASHKUAR.ORG: Si e vlerson FBKSH-ja vizitën e presidentit amerikan Xhorxh Bush në Shqipëri dhe a keni planifikuar ndonjë takim me të?
GAFURR ADILI:
Përmes një Letre Përshendëtëse, të nënshkruar nga Kryetari i FBKSH-së (Prof.Dr. Bashkim MITROVICA) dhe nga unë, Sekretariati Vendimmarrës i Kryesisë Qendrore të FBKSH-së, të cilën e keni publikuar edhe JU, Fronti për Bashkim Kombëtar Shqiptar (FBKSH) e ka përshendetur ardhjen e Presidentit të SHBA-ve në Trojet tona Arbërore.
Ne jemi në pritje të një takimi të mundshëm të Kryetarit të FBKSH-së (Prof.Dr.Bashkim MITROVICA) me Presidentin BUSH, sepse konsiderojmë se tanimë SHBA-të jane bindur se forca me serioze në hapësirat shqiptare është FBKSH-ja, por kjo do të varet shumë nga agjenda e ngjeshur e Presidentit BUSH, sepse kemi informacione se Presidenti BUSH do të ketë një agjendë tepër të ngjeshur nëpër Evropë.
Prandej, edhe po nuk mundem që të takohemi këtë rradhë këtu në Tiranë, kam bindjen se shumë shpejt do të takohemi në një vend tjetër.
3. SHQIPËRIA E BASHKUAR.ORG:
Çka mendoni lidhur me aktëakuzën kundër udhëheqësit të Lëvizjes Vetëvendosje?
GAFURR ADILI:
Çka mund t'iu them perveç asaj që duhet ta thotë çdo shqiptar atdhetar, që në damaret e tij i rrjedh vetëm gjak shqiptari, se Kosova vazhdon të jetë e pushtuar nga pushtuesë të shumtë, që të vrasin dhe të denojnë, ashtu siç dikur bënte pushtuesi e kolonizatori me emrin Serbi. Por, më habit heshtja e ish të burgosurve politikë ne kohen e regjimit serbo-jugosllav, si dhe e atyre që sot thirren si shokë e bashkëluftetarë të dëshmorëve të kombit dhe bashkëuftetarë të: JUSUF GËRVALLËS, KADRI ZEKËS, REXHEP MALËS, NUHI BERISHËS, BAJRAM BAHTIRIT, AFRIM ZHITISË, BAHRI FAZLIUT, ENVER HADRIT, ADEM E HAMËS JASHARIT, SADRI ZENELIT, FEHMI E XHEVË LADROVCIT, ABEDIN REXHËS, ILJAZ KODRËS, ZAHIR PAJAZITIT, LUAN HAJRADINAJT dhe mijërave dëshmorëve që flijuan më të shtrenjtën e tyre dhe kaluan në përjetësi, se pse po heshtin apo edhe më keqe edhe e lincojnë Albin KURTIN dhe gjithë plejadën heroike të kohërave më të reja?!
Këta të vetëshpallur shokë e bashkëluftetarë të dëshmorëve të kombit, jo vetëm nuk e ngrisin zërin e tyre per kete padrejtesi dhe arrestim te djaloshit atdhetar të deshmuar e ridëshmuar, por bashkohen me pushtetmbajtësit UNMIK-istanez, siç dikur bashkoheshin FADIL HOXHA, XHAVIT NIMANI, ALI SHUKRIA, SINAN HASANI DHE AZEM VLLASI.
4. SHQIPËRIA E BASHKUAR.ORG:
Cilat janë planet afatshkurtëra, afatmesme dhe afatgjatë të Frontit për Bashkim Kombëtar Shqiptar?
GAFURR ADILI:
Ne e kemi thenë se Kuvendi i Dytë Kombetar i FBKSH-së ka miratuar Programin (afatshkurtër, afatmesëm dhe afatgjatë) Politik të veprimit taktik (minimal) dhe strategjik (maksimal) te Frontit per Bashkim Kombetar Shqiptar (FBKSH), dhe mbi bazën e këtij Programi që në shtator 2005 deri në ditet e sotme dhe në vazhdimësi (deri në Kuvendin e Tretë Kombëtar të FBKSH-së), kane punuar, punojnë dhe do të punojnë te gjitha strukturat e FBKSH-së. Kuvendi i Dytë Kombëtar i FBKSH-së, më të drejtë ka konstatuar se nyja gordiane e zgjidhjes së çështjes kombëtare ka qenë dhe është Kosova, si dhe Kosova para se të bëhet shtet i pavarur dhe sovran, gjë qe nuk do të arrihet as sivjet dhe as në të ardhmën, do të ribashkohet me Shqipërinë.
Këtë konstatim (në shtator 2005), mënjëherë pas Kuvendit të Dyte Kombëtar të FBKSH-së, une e kam publikuar përmes një intervistë (dy ditë radhazi) në gazetën shumë prestigjioze "Epoka e Re" të Prishtinës.
Këshillat e FBKSH-së në Zonën nr. 2 (Kosova Historike) po punojnë në këtë drejtim, dhe më plotë të drejtë mund të them se FBKSH nga një formacion mbarëkombëtar, në Zonën nr. 2 (Kosovën Historike) po shndërrohet edhe në një front mbarëpopullor, sepse tanimë këshillat e FBKSH-së jane ngritur edhe nëpër të gjitha lagjet dhe fshatrat e 7 nënzonave:
1. Prishtina,
2.Mitrovica,
3.Peja,
4.Prizreni,
5.Ferizaj,
6. Gjilani
dhe 7. Presheva me Bujanoc dhe Toplicë.
5. SHQIPËRIA E BASHKUAR.ORG:
Sa është bashkuar diaspora shqiptare rreth FBKSH-së?
GAFURR ADILI:
Krahasuar me bashkimin apo më mirë të them forcimin dhe zgjerimin e FBKSH-së në të gjitha hapësirat shqiptare të Shqipërisë Natyrale, ku i kemi 5 zona: 1.Republika e Shqipërisë, 2.Kosova Historike, 3.Lugina e Vardarit (ILIRIDA), 4. Malësia e Madhe (Ulqin, Tivar, Tuz, Plavë dhe Guci) dhe 5.Camëria, në zonën nr.6 (Evropa) FBKSH është më dobët, dhe shumë më dobët është në zonën nr.7 (SHBA, KANADA dhe Australi), ku kemi anëtarë dhe simpatizantë por akoma nuk kemi arritur të organizojmë këshilla të FBKSH-së.
Dhe, kjo ndodh për shkak të zhgënjimit plot të arësyeshëm të diasporës shqiptare nga poltika e mëhershme, qoftë kjo e pacifistëve apo edhe e atyre që mbi gjakun e deshmorëve, mbi gjymtyrët e invalidëve të luftës dhe djersën e luftetarëve e të popullit shqiptar u promovuan në politikuaje, që edhe sot e kësaj dite, jo vetëm që vazhdojnë ta manipulojnë popullin në Kosovë, por që nuk shprehin asnjë konsideratë për gjithe atë djersë që ka derdhur diaspora shqiptare në tri betejat e zhvilluara në dekadën e fundit.
Por, shpresojmë se shumë shpejt do të arrijmë që edhe në zonën nr. 7 tëkonsolidohemi së paku siç jemi konsoliduar në zonën nr.6 (Evropa), ku kemi këshilla në disa shtete të Evropës.
6. SHQIPËRIA E BASHKUAR.ORG:
Sigurimi Kombëtar Shqiptar (SKSH) ka arritur suksese të mëdha në zbulimin e shumë veprimatarive sekreteve serbe deri më tani. A është SKSH-ja një strukturë me kuadro profesionale dhe cilat janë detyrat kryesore të saj?
GAFURR ADILI:
Po të mos ishte SKSH një strukturë me kuadro të specializuara nuk do të arrinte gjithë ato suksese e fitore dhe armiqëve sllavo-greke t'ua digjte në duar planet dhe kartat e tyre antishqiptare .
Arma kryesore e djelmoshave dhe vashave te SKSH-se, që në fillim ka qenë, është dhe gjithmone do të mbetet idealizmi i tyre i sëndërtuar mbi bazën e një Platforme dhe organizimi të përsosur e shkëncor. Pra, ata jo vetëm që janë atdhetarë, por janë edhe idealiste që ma kalojnë e dhe mua dhe shumë drejtuesë të lartë të FBKSH-së.
7. SHQIPËRIA E BASHKUAR.ORG:
Sa është e gatshme FBKSH-ja dhe AKSH-ja t'iu kundërpërgjigjen pushtuesve serb në veri të Kosovës?
GAFURR ADILI:
Jemi shume të gatshëm, por kjo gadishmëri do të vie në shprehje pasi të ndahet shapi nga sheqëri, sepse ne jemi shumë të sigurt dhe kemi shumë informacione se në ndarjen e Mitrovicës, që nga Marrëveshja Teknike e Kumanovës (Xhekson-Pavkoviç) jane të involvuar edhe shume ish-drejtuesë të lartë të UÇK-se që sot janë ne skenën politike dhe poste të larta të Kosovës.
Dalëngadalë por shume sigurt, këtyre politikuajve, po iu çirren maskat prej maskarenjeve, nga vetë bashkësia ndërkombëtare, sepse populli yne i urtë, andej nga krahina ime (Kërcova) thotë: "JO GJITHMONË KUNGULLI LUNDRON MBI UJË !".
Përmës intervistës s'ime, më 04 qershor 2007, te gazeta LAJM e Prishtinës, të cilen të nesërmën (05 qershor 2007) e publikoi edhe edicioni i gazetës LAJM në Shkup, unë paralajmeroj se politikanët e Kosovës janë të gatshëm që të bëjnë koncesione me trojet shqiptare në Kosovë, dhe në veçanti me Mitrovicën Veriore.
Por, gabohen shumë rende, sepse këtë rradhë nuk do të kene të bejne me Lëvizja Vetëvendosje, për mison kishte të organizonte protestat mbarëpopullorë, por që këta maskarenj e luftuan dhe e sabotuan pafundësisht. Këtë rradhë do të përballën me FBKSH-në dhe të gjitha struktuarat e tij, qe iu rrinë shumë pranë, ashtu siç iu rrinë pranë edhe serbëve në Beograd dhe grekëve në Athinë.
8. SHQIPËRIA E BASHKUAR.ORG:
Çka mendoni lidhur me garat e partive politike shqiptare në Iliridë për të hyrë në koalicion qeverisës me sllavomaqedonasit VMRO-DPMNE?
GAFURR ADILI:
Të luftosh për pushtet kur pushtetin e ka pushtuesi sllavo-maqedonas, jo vetem nuk ka as më të voglën logjikë të atdhetarizmit, por përkundrazi, si në të kaluarën edhe tani, të ashtuquajturat parti politike në Luginën e Vardarit (ILIRIDË), dhe në veçanti liderët e tyre, kanë dëshmuar se janë kolaboracionistë dhe partitë PDSH dhe BDI janë parti kolaboracioniste me pushtuesit sllavomaqedonas, që bëjne gara per t'u rideshmuar se kush nga ata është dhe mund të bëhet më më kolaboracioniste.
Pra, liderët e partive politike në Iliridë bëjnë gara se kush me shumë është kolaboracionist i devotshëm me sllavomaqedonët, dhe sllavo-maqedonët, si në të kaluarën ashtu edhe tani iu thojnë:
"Daj decko dokazi se" (Shqip: Hajde djalosh dëshmoju).
Dhe, këta kolaborcioniste i teston, si mësuesi nxenësin, Gruevski.
9. SHQIPËRIA E BASHKUAR.ORG:
Si e vlerësoni gjendjen në Kosovën Lindore dhe çka mendoni lidhur me thirrjen e Jonuz Musliut (kryetar i Partisë për Prosperitet Demokratik) për krijimin e Këshillit Kombëtar, i cili do të mbante negociate me Serbinë për bashkimin e Kosovës Lindore me Kosovën protektorat?
GAFURR ADILI:
Një inisiativë shumë e qelluar, që duhet të gjejë mbeshtetjen e gjithë potencialit poltik dhe kombëtar në Kosovën Lindore (Preshevë, Medvegje dhe Bujanoc), sepse politikuajt e Kosovës qe vetëquhen "Grup i Unitetit" as nuk kërkuan për shqiptarët nën Serbi po aq të drejta sa Pakoja Ahtisaari i njeh minoritetit serb në Kosovë.
Presheva, Medvegja dhe Bujanoci, në vitin 1954 i janë aneksuar Kosovës, dhe në vitin 1992, përmes referendumit popullor, populli i kësaj krahine shqiptare e shpalli Autonominë Politiko-Territoriale me të drejtë ribashkimi me Kosovën, per jetësimin e të cilit vullneti luftoi edhe UÇPMB, por qe në fund i gjithë ai gjak i dredhur u tradhëtua dhe denigroi me një Marrëveshje te Konçulit.
Për këtë përgjegjësia kryesore i bie Jonuz Musliut, i cili atëherë ishte njëri ndër figurat më të larta dhe drejtuese të kesaj lufte. Ishalla tani është mbushur me mend dhe nuk do të toleroje që ta manipulojnë ata që e manipuluan atëherë, që ne i njohim me emra e mbiemra, por që nuk ja them publikisht se kam mundesi t'ia them ndryshe, vetëkuptohet nëse Ai dëshiron t'ia dhurojmë këtë gjë, sepse unë gjithemonë them se: "Njeriut me zor mund t'i marrish diçka, por kurrën e kurës nuk mund t'ia japish, se t'i ja jep por ai e hjedh".
Wed 30 Mar 2011, 23:21 nga erald nuhaj
» KU JANE POETET
Wed 12 Jan 2011, 20:37 nga shaban cakolli
» NJE GJAKE, NJI GJUHE
Sat 11 Dec 2010, 14:57 nga biligoa
» Alarm Ne IJRM gjendja kaotike
Wed 17 Feb 2010, 23:10 nga refik
» emblema e UKSH-se
Thu 17 Dec 2009, 02:12 nga UKA
» Faton Osmani dënohet tre vjet burgim si pjestar i AKSH-së !!
Thu 26 Nov 2009, 00:21 nga UKA
» REAGIM I AKSH-SË
Wed 28 Oct 2009, 23:52 nga AKSH
» A na duhet aleanc shqiptaro-kroate.
Tue 27 Oct 2009, 02:49 nga urani29
» MOSKOORDINIMI I FORCAVE VEPRIMTARE
Mon 26 Oct 2009, 02:06 nga AGU